Document

ARCHITECTURE+


design & consulting

.

Memar Aftandil Əbil oğlu Abdullabəyli fərdi və çoxmərtəbəli yaşayış binalarının, ofis, ticarət mərkəzləri, klinika, məktəb, uşaq baxçası, əyləncə mərkəzi və s. müxtəlif tipli mülki binaların, həmçinin sənaye binalarının, habelə məhəllə və ərazilərin baş planlarının memarlıq layihələndirilməsini həyata keçirir.

18 il iş təcrübəsinə malik memar, layihələndirmə sahəsində icraçı mühəndis, həmmüəllif, müəllif statusunda müxtəlif layihə işlərində iştirak etmişdir. Çoxsaylı reallaşdırılmış müəllif və korporativ memarlıq layihələrində iştirak edən memara 12 mart 2016-cı il tarixindən etibarən müvafiq fəaliyyət növü üçün Azərbaycan Respublikası İqtisadiyyat Nazirliyi tərəfindən Lisenziya verilmişdir.Təqdim edilən potfolioda memarın müəllif layihələrindən nümunələr göstərilmişdir. 

Aftandil Əbil oğlu Abdullabəyli 01 noyabr 1974-cü ildə Biləsuvar rayonunda müəllim ailəsində anadan olmuşdur. 1981-1991-ci illlərdə Nizami Gəncəvi adına Biləsuvar şəhər 1 saylı orta məktəbində təhsil almışdır. 1991-ci ildə Azərbaycan Texniki Universitetinin “Avtomatika və hesablama texnikası” fakültəsinə, “Texnoloji proseslərin və istehsalın avtomatlaşdırılması” ixtisasına daxil olmuş və 1996-cı ildə oranı “mühəndis-elektromexanik” ixtisası üzrə bitirmişdir. 1996-2000-ci illərdə müxtəlif işlərdə çalışmış, 2000-ci ildən etibarən layihə və tikinti işlərində ixtisaslaşmış “Arxin-M” firmasında mühəndis vəzifəsində əmək fəaliyyətinə başlamışdır. Kompüter qrafikası üzrə mühəndis, icraçı mühəndis və həmmüəllif kimi bir çox layihələrdə iştirak edən A.Ə.Abdullabəyli 2003-cü ildə Azərbaycan Memarlıq və İnşaat Universitetinin memarlıq fakültəsinə daxil olmuş və II təhsil alaraq 2006-cı ildə oranı “memarlıq” ixtisası üzrə (bakalavr təhsil pilləsində) bitirimişdir. Təhsillə paralel fasiləsiz memarlıq layihələndirilməsi əmək fəaliyyəti ilə məşğul olan memar 2007-2010-cu illərdə Kiyev Milli İnşaat və Memarlıq Universitetinin Memarlıq fakültəsində bakalavr və magistr təhsil pillələrində təhsil almış, “Bina və qurğuların memarlığı” ixtisasını magistr dərəcəsində bitirmişdir.

A.Ə.Abdullabəyli 01 may 2012-ci il tarixindən etibarən mühəndis təhsili (I ixtisas) əsasında Azərbaycan Hava Yolları QSC Milli Aviasiya Akademiyası Hesablama Mərkəzinin rəisi vəzifəsinə təyin edilmiş və hal-hazırda da həmin şöbəyə rəhbərlik edir. Tam ali təhsil aldığı hər 2 ixtisas üzrə mövcud əmək qanunvericiliyinə uyğun olaraq qaynar əmək fəaliyyətində olan A.Ə.Abdullabəyli həm rəhbərlik etdiyi MAA Hesablama Mərkəzində qarşısına qoyulan bütün mürəkkəb tapşırıqların, həm də memarlıq fəaliyyətində qarşısına çıxan layihə tapşırıqlarının uğurlu həllərini həyata keçirmişdir. Memar A.Ə.Abdullabəylinin layihələndirmə sahəsindəki fəaliyyətində əməkdaşlıq etdiyi firma və şirkətlərdə tutduğu mövqe və digər peşəkar göstəriciləri barədə saytın CV bölməsində qeyd olunmuşdur.

Ətraflı

Memar Cövdət İdris oğlu Yusifov ofis, klinika, ticarət mərkəzləri, mənzil, villa və s. müxtəlif tipli binaların interyer layihələrinin, habelə, bütün üslublara aid mebel dizaynları və layihələrini həyata keçirir. 21 illik iş təcrübəsinə malik memarın portfoliosunda çoxsaylı reallaşmış layihə işləri vardır.

Memar Cövdət İdris oğlu Yusifov 21may 1972-ci ildə Bakı şəhərində mühəndis ailəsində dünyaya gəlmişdir. Orta təhsilini Bakı şəhəri  29 və  95№li orta məktəblərdə almışdır. 1989-cu ildə Bakı İnşaat Mühəndisləri İnstitunun ”Hidrotexniki qurğuların inşaatı” fakültəsinə  daxil olmuş və  1994-cü ildə oranı “Hidrotexniki  qurğuların tikintisi mühəndisi” ixtisası üzrə bitirmişdir. 1994-1997-ci illərdə  ixtisası üzrə müxtəlif işlərdə çalışmışdır. 1997-ci ildən başlayaraq mebel istehsalı üzrə ixtisaslaşmış aparıcı şirkətlərdə “mühəndis” və “dizayner” vəzifələrində işləmişdir. Coxsaylı interyer və mebel dizaynı layihələrində iştirak edən memar 2003-cü ildə Azərbaycan memarlıq və İnşaat Mühəndisləri Universitetinin memarlıq fakültəsinə daxil olmuş və II təhsil alaraq 2006-cı ildə oranı “memarlıq” ixtisası üzrə (bakalavr təhsil pilləsində) bitirmişdir.  2004-cü ildən etibarən interyer dizaynı və mebel istehsalı üzrə dizayner-memar kimi fasiləsiz əmək fəaliyyəti göstərir.
Ətraflı

.